Fələstin Xarici İşlər Nazirliyindən bildirilib ki, İsrailin baş naziri Benyamin Netanyahu Fələstin xalqına qarşı cinayətlərini ört-basdır etmək üçün beynəlxalq ikili standartlardan istifadə edib.
Elchi.az bu barədə Trthaber.com-a istinadən xəbər verir.
Nazirlikdən verilən yazılı açıqlamada qeyd olunub:
“İşğal administrasiyasına başda Qəzzada olmaqla xalqımıza hücum etmək hüququ verən ölkələrin rəftarını qınayırıq. Netanyahu bizə qarşı törətdiyi cinayətləri ört-basdır etmək üçün beynəlxalq ikili standartlardan istifadə edir”.
İsrailin tərəfini tutan səslərin yüksəldiyinə diqqət çəkən açıqlamada həmçinin bildirilib:
“İsrailin istədiyindən başqa heç kim qəbul edilmir. İşğalçı dövlət olmasına baxmayaraq özünümüdafiə hüququndan istifadə etdiyini deyir. İşğalçı dövlət qəsbkardır. Ona görə də özünümüdafiə hüququ ondan düşüb”.
İsrailin Qəzzaya hücumu
İsrail ordusu mayın 9-u çərşənbə axşamı səhər saatlarında İslami Cihad Hərəkatının rəhbərliyini hədəfə aldığını əsas gətirərək blokada altındakı Qəzzaya hücum edib.
Fələstinli qruplar buna cavab olaraq Qəzzadan İsrailə bir sıra raketlər atıblar. İsrail ordusunun çərşənbə axşamından etibarən Qəzzaya qarşı həyata keçirdiyi hücumlarda həyatını itirən fələstinlilərin sayı 25-ə, yaralıların sayı isə 76-ya yüksəlib.
İsrail və Fələstin qrupları arasında beynəlxalq tərəflər vasitəsilə aparılan atəşkəs danışıqları nəticə verməyib.
Yeganə
Son şərhlər