“Yaxın gələcəkdə Ukrayna münaqişəsinin həlli prosesində konkret nəticələrə nail olmaq vacibdir”.
Elchi.az xəbər verir ki, bu barədə Türkiyə prezidenti Rəcəb Tayyib Ərdoğan çağırış edib.
“Xüsusilə vurğulamaq istərdim ki, qarşıdakı dövrdə biz Rusiya-Ukrayna müharibəsinin dialoq yolu ilə həllində nəticələr əldə etməliyik”, – Türkiyə lideri bildirib.
Ərdoğan həmçinin bəyan edib ki, Türkiyə münaqişənin hər iki tərəfi ilə dialoqu davam etdirdiyi və onların etibarından istifadə etdiyi üçün Ukraynada sülh yolu ilə həlli fəal şəkildə dəstəkləməyə davam edəcək.
Aprel ayında Türkiyə prezidentinin Ukrayna ilə bağlı danışıqları bərpa etməyə çalışdığı bildirilirdi. “Görüş zamanı prezidentimiz bildirib ki, Türkiyə Ukrayna və Rusiya arasında müharibənin sülhlə bitməsini hədəfləyir və biz danışıqları bərpa etməyə və liderlər səviyyəsində danışıqlara başlamaq üçün çalışırıq”, – Türkiyə liderinin ofisindən bildirilib.
Yeganə
