Bu gün Qərb ölkələri enerji resursları uğrunda mübarizədə digər dövlətləri təhdid etmək üçün istifadə etdikləri təsir imkanlarını itirirlər.
Elchi.az “RİA Novosti”ə istinadən xəbər verir ki, bu barədə Türkiyə Prezidenti Rəcəb Tayyib Ərdoğan parlamentdə çıxışı zamanı bildirib.
“Enerji resursları uğrunda mübarizədə yeni və çox aqressiv bir rəqabətin yaranacağı aydındır. Qərb dünyası illərdir digər ölkələri təhdid etmək üçün istifadə etdiyi arqumentləri tədricən itirir. Biz resursların bölüşdürülməsi uğrunda şiddətli mübarizənin tam mərkəzindəyik”, – Türkiyə lideri bildirib.
Ərdoğan əlavə edib ki, Türkiyə bir sıra böhranlara və hərbi münaqişələrə baxmayaraq, 2025-ci ildə “xalqın etimadını doğrulda” bilib.
Məryəm
