Pakistanda enerji qənaəti səbəbindən iş yerlərinin ən geci saat 20.30-da bağlanmasına qərar verilib.
Elchi.az xəbər verir ki, bu barədə Müdafiə naziri Xavaca Mohammed Asif Nazirlər Şurasının iclasından sonra paytaxt İslamabadda enerjiyə qənaət planı ilə bağlı mətbuat konfransı keçirib.
Asif bildirib ki, iclasda bütün federal hökumət idarələrində elektrik enerjisinə 30 faiz qənaət etmək və lazımsız elektrik enerjisi sərfiyyatına yol verməmək qərara alınıb.
Enerjiyə qənaət planı çərçivəsində iş yerlərinin saat 20.30-da bağlanacağını deyən Asif şadlıq saraylarının ən geci saat 22:00-a qədər açıq qalacağını bildirib.
Küçə lampalarının da fasilələrlə işləyəcəyini deyən Asif ölkədə elektriklə işləyən motosikletlərin yayılması üçün çalışacaqlarını bildirdi.
Pakistanın ildə 3 milyard dollar neft istifadə etdiyini xatırladan Asif, bu səbəbdən elektrikli motosikletlərdən istifadənin vacib olduğunu vurğulayıb.
Asif qeyd edib ki, enerjiyə qənaət planı reallaşarsa, ölkəyə 273 milyon dollar gəlir gətirəcək.
Şayəstə