“Neuralink” neyrotexnologiya şirkətinin qurucusu İlon Mask, beyninə çip taxılan ilk insanın “düşünərək kompüter kursorunu ekranda hərəkət etdirə” bildiyini açıqladı.
Elchi.az xəbər verir ki, dünyanın ən zəngin iş adamlarından biri olan amerikalı İlon Mask , neyrotexnoloji şirkəti “Neuralink”in beyin çipinin köçürülməsi ilə ilk insan sınaqlarında müvəffəqiyyət qazandığı müjdəsini verib.
X sosial media platformasında bir proqrama qatılan Mask, “Proses yaxşı gedir. “Xəstə sağaldı və indi düşünə və kompüter siçanını ekranda hərəkət etdirə bilir. Bu mərhələdə xəstədən mümkün qədər çox “siçan tıklaması” almağa çalışdıqlarını ifadə edən Mask, ilk məqsədin insanların düşüncələrindən istifadə edərək kompüter kursorunu və ya klaviaturasını idarə etmələrini təmin etmək olduğunu vurğulayıb.
Mask əvvəlki açıqlamalarında”Neuralink”in uzunmüddətli hədəflərinin böyük olduğunu və çiplərin obezite, autizm, depressiya və şizofreniya kimi xəstəliklərin müalicəsində istifadə oluna biləcəyini iddia etmişdi. İlk istifadəçilərin əzalarını istifadə etmə qabiliyyətini itirmiş insanlar olacağını qeyd edən Mask, “Təsəvvür edin ki, Stiven Hokinq sürətli məmur və ya auksionçudan daha sürətli ünsiyyət qura bilir. “Məqsəd budur”-deyib.
Neuralink, ABŞ Qida və Dərman İdarəsindən (FDA) 2023-cü ilin may ayında beyin çipi layihəsini insanlar üzərində sınaqdan keçirməyə başlamaq üçün icazə alındığını və ilk çip transplantasiyasının keçən ayın sonunda baş tutduğunu açıqladı. İnsanlardan əvvəl meymunlar üzərində sınaqdan keçirilən çiplərin beyindəki siqnalları uğurla şərh edərək cihazlara ötürdüyü sübut edilib.
Nuranə Məmmədova
Son şərhlər