Puerto-Rikoda artan dang xəstəliyinə yoluxma hallarına görə fövqəladə vəziyyət elan edilib.
Elchi.az xəbər verir ki, Puerto Riko Səhiyyə Nazirliyi ölkədə dang qızdırması hallarının artması ilə bağlı açıqlama verib.
Açıqlamada, ilin əvvəlindən bu yana ölkədə ən azı 549 dang qızdırması hadisəsinin aşkarlandığı, əksəriyyətinin paytaxt San Juan şəhərində olduğu, 340-dan çox insanın isə xəstəxanada müalicə aldığı bildirilib.
Xəstəliklərin artması səbəbiylə xalq sağlamlığını qorumaq üçün fövqəladə vəziyyət elan edən açıqlamada, təxminən 3,2 milyon əhalisi olan Puerto Rikoda 2023-cü ildə 1293 dang qızdırması hadisəsinin olacağı da ifadə edilib.
Səhiyyə naziri Karlos Mellado mövzu ilə bağlı verdiyi açıqlamada bu il dang qızdırması hallarının rekord sayına çatıldığını bildirib.
Ümumdünya Səhiyyə Təşkilatının (ÜST) tropik xəstəliklər bölməsinin direktoru Raman Velayudhan fevral ayında açıqlamışdı ki, 2023-cü ildə dünyada 5,5 milyondan çox dang qızdırması aşkarlanıb və bu xəstəlikdən 5 min nəfər ölüb.
Velayudhan, 2023-cü ildə Amerika qitəsində 4,5 milyon Danq qızdırması hadisəsinin bildirildiyini və bunun bir ildə eyni qitədə görülən ən yüksək rəqəm olduğunu vurğulayıb.
Şayəstə Hüseynova
Son şərhlər