Daxili İşlər Nazirliyi Zaqatalada 3 nəfərin ölümünə səbəb olan qəza haqqında məlumat yayıb
Daxili İşlər Nazirliyi Zaqatalada 3 nəfərin ölümü ilə nəticələnən yol qəzası haqda məlumat yayıb.
Nazirliyin mətbuat xidmətindən ANS PRESS-ə verilən məlumata görə, hadisə fevralın 7-də saat 23 radələrində Zaqatala şəhərində qeydə alınıb.
Belə ki, rayon sakini İlkin Ömərov idarə etdiyi “Mercedes” markalı avtomobili yolun kənarındakı ağaca vurub.
Nəticədə onun sərnişinləri Şamil Poladov, Camal Bağmanov və onun qardaşı Emin hadisə yerində ölüb. Sürücü və digər sərnişini isə xəstəxanaya yerləşdirilib.
Faktla bağlı Baş Dövlət Yol Polisi İdarəsi tərəfindən araşdırma aparılır.
ANS PRESS
