ABŞ -da, Avropa da hazırda yüksələn dini, irqi və milli zəmində yüksələn ayrıseçgilik fonunda, Azərbaycanda olan mövcud tolerantlıq qürur vericidir! BAXCP olaraq hökümətin bu istiqamətində fəaliyyətini təqdir edirik. Bu gün Azərbaycanda olan dini tolerantlıq bütün dünyada təblığ olunmalıdır. Bu ona görə lazımdır ki, ermənilər bütün dünyaya təblığ edir ki, Dağlıq Qarabağ da azərbaycanlılarla ermənilərin birgə yaşayışı mümkün deyil.
Bu fikirləri Moderator.az saytına BAXCP sədrinin müavini, ölkənin tanınmış QHT sədri Niyaməddin Orduxanlı bildirib. Onun sözlərinə görə, 2018-ci il prezident seçkilərinə millət vəkili, prezidentliyə namizəd Qüdrət Həsənquliyev canlı efirdən çıxış edərək, ilk dəfə Azərbaycan xalqına bəyan etmişdir ki, Azərbaycanda daxili sabitliyə və dövlətçiliyimizə ən böyük təhlükə dini ekstremzlərdən gəlir: “ 2018-ci ilin aprelində keçirilən prezident seçkilərində BAXCP sədri Qüdrət Həsənquliyev prezidentliyə namizəd kimi milyonlarla izləyicinin önünüdə çıxış edib, Azərbaycanda dövlətçiliyimizə ən böyük təhlükənin dini adı altında gizlənən dini ekstremizlərdən gəldiyini bəyan etmişdi. Çox gecmədi ki, hər kəs bunun canlı şahidi oldu. Ümumiyyətlə, BAXCP hər zaman dövlətçilik maraqlarına böyük önəm verib və hər zaman milli maraqlarımız müdafiəsi üçün çıxış edib. Bilirsiniz ki, Azərbaycan müsəlman ölkəsidir. Əhalinin böyük əksəriyyətini müsəlmanlar təşkil edir. Biz müsəlman ölkəsinin bir hissəsiyik. Hal-hazırda dünyada islamafibiya genişlənməkdədir . Bunun bir sıra səbəbləri var, əsasən də dini ekstremizm onların əlinə kifayət qədər bəhanələr verir. Bu bəhanə hesabına islamafobiya daha geniş yayılır. Dini ekstremstlər cihad adı altında terror aktları törədirlər və bununla da onlara yaxından köməklik göstərirlər. Azərbaycanda Dövlət Təhklükəsizlik Xidmətinin, Daxili İşlər Nazirliyinin, Dini Qurumlarla İş üzlər Dövlət Komitəsinin dini ekstrezmə qarşı sıfır dözümlülük siyasətini dəstəkləyirik. Azərbaycanda daxili sabitliyə və dövlətçiliyimizə ən böyük təhlükə dini ekstremzlərdən gəlir. Ölkəmiz də dini ekstremzmin ayaq tutub yeriməməsinin səbəbi, təkcə bizim xalqın dini tolerantlığından qaynaqlanmır, həm də etiraf etmək lazımdır ki, həm hökümətin siyasəti, həm də Qafqaz Müsəlmanları Ruhani İdarəsinin, o cümlədən hörmətli Şeyximiz Hacı Allahşükür Paşazadənin xidmətləri danılmazdır. Son zamanlar bizim dini rəhbərlərimizə, Şeyximizə, və digər tanınmış din adamlarına qarşı qarayaxma kampaniyası təşkil edilir. Xalqımız Allahşükür Paşazadənin 20 yanvar hadisələrində tutduğu dövlətçilik mövqeyini unutmayıb. Düşünürəm ki, dini ekstremzin qarşısının alınması üşün vətəndaş cəmiyyətinin də özərinə məsuliyyət düşür. Həm bunun, həm də tolerantlığın cəmiyətdə təbliği üçün ölkənin QHT sektoru daha çox çalışmalıdır. Düzdür, bununla bağlı Prezidentin yanında Qeyri-Hökümət Təşkilatlarına Dövlət Dəstəyi Şurası il ərzində bir sıra layihələri dəstəkləyir . Dini Qurumların da apardığı işlər göz önündədir. Və bır sıra QHT-lərin bununla bağlı apardığı işləri görürük. Məncə, bu, yetərli deyil. Ölkədə rəsmi 4000 QHT var bir il ərzində QHT-lərə ayrılan vəsaitin həcmi 4.5 milyon manatdır. Bununla QHT-lərin necə böyük işlər görə bilər? QHT ayrılan vəsait həddindən artıq azdır. Bir ilə bir QHT orta hesabla min manat düşür. Nəzərə alsaq ki, son zamanlarda cəmiyyətdə baş verən hadisələrin hamı canlı şahidi oldu. Gəncə şəhərində baş vermiş təxribatlar məhz din adı altında gizlənən dini ekstremztlərin törətdiyi təxribatlar idi. Biz bütövlükdə cəmiyyət olaraq, baş vermiş hadisələri qabaqlamalıyıq və imkan verməməliyik ki, öz çirkin məqsədləri üçün gözəl dinimiz olan- İslam dinindən siyasi məqsədləri üçün istifadə etsinlər! Dövlət qurumları ilə yanaşı, media, sosial şəbəklərdən geniş istifadə etməliyik!” .
Son şərhlər