Danimarka Müdafiə Nazirliyinin saytında verilən məlumata görə, Danimarka və Çexiya Ukraynaya dəstək vermək üçün birləşib və Kiyevi Çexiya fabriklərindən və anbarlarından hərbi texnika ilə təmin edəcək. Elchi.az bu barədə Lent.ru-ya istinadən xəbər verir.
İlk tədarükə, xüsusən, 50-yə yaxın piyada döyüş maşını, 2,5 min tapança, 7 min tüfəng, elektron döyüş və kəşfiyyat avadanlıqları və artilleriya sursatları daxil olacaq. Müdafiə Nazirliyinin rəhbəri Troels Lund Poulsenin sözlərinə görə, çatdırılma Ukrayna Silahlı Qüvvələrində böyük tələbat olan avadanlıqlardan ibarət olub.
Təchizat həm müasir Çex silah sistemlərini, həm də Ukrayna qoşunlarının döyüş meydanında istifadə etmək bacarığına malik olan təmir edilmiş texnikanı ehtiva edir.
Xatırladaq ki, əvvəllər İspaniya Ukraynaya 105 və 155 mm çaplı mərmilər, həmçinin Havk zenit sistemləri verib.
Havar Şəfiyeva
Son şərhlər