Çinin Antarktidadakı beşinci tədqiqat bazası, Ross dənizi sahilində yerləşən Çinlinq stansiyası açılıb.
Elchi.az xəbər verir ki, Çinin Antarktidadakı beşinci tədqiqat bazası, Ross dənizi sahilində yerləşən Çinlinq stansiyası açılıb.
Stansiya Çin materikindəki Yantszı və Sarı çayın drenaj hövzələrini ayıran və ölkənin şimalı ilə cənubu arasında təbii sərhəd hesab edilən Çinlinq dağlarının şərəfinə adlandırılmışdır.
Bazanın tikintisi ölkənin 40-cı Antarktika tədqiqat ekspedisiyası zamanı başa çatıb.
Çinin buzqıran gəmiləri Şüelong (buz əjdahası) və Şülong-2 2023-cü il noyabrın 1-də Şanxaydan Antarktidaya yola düşüb.
Baza tikintisi üçün tikinti materialları daşıyan yük gəmisi də buzqıran gəmiləri müşayiət edib.
Avstraliya və Yeni Zelandiyanın cənub-şərqində Ross dənizinin sahilində qurulan baza Çinin Antarktidadakı beşinci tədqiqat stansiyasıdır və Sakit okean sektoruna fokuslanan ilk bazadır.
Çinlinq stansiyası Antarktidanın qərbində Fildes yarımadasındakı Böyük Divar Stansiyasından və şərqdə Pridz körfəzi yaxınlığındakı Sun Yat-Sen (Konqşan) stansiyasından sonra Çinin qitədəki üçüncü daimi bazasıdır.
Çinin də qitənin daxili hissəsində Kunlun və Tayşan stansiyaları var ki, bunlardan yalnız Cənubi Yarımkürənin yay dövründə istifadə olunur.
Nuranə Məmmədova
Son şərhlər