Çinin xarici işlər naziri Vanq Yi İran və Səudiyyə Ərəbistanı arasında münasibətlərin yaxşılaşmasını Yaxın Şərqdə başlayan barışıq dalğası kimi qiymətləndirib. Elchi.az xəbər verir ki, bu barədə “Əl-Cəzirə” məlumat yayıb.
Bu barədə çinli diplomat iranlı həmkarı Hüseyn Əmir-Abdollahian ilə telefon danışığı zamanı bildirib. Vanq Əmir Abdullahianın Səudiyyə Ərəbistanının vəliəhd şahzadəsi Məhəmməd bin Salman ilə görüşünü yüksək qiymətləndirib və bunu Yaxın Şərqdə barışıq dalğasının başlanğıcı adlandırıb.
“Biz qarşılıqlı anlaşma və dialoqu gücləndirməklə, birliyə və özünü təkmilləşdirməyə sadiq qalaraq, mehriban qonşuluq və dostluq prinsiplərini həyata keçirməklə inkişaf yolunda Yaxın Şərq ölkələrini dəstəkləməyə davam edəcəyik”- deyə Xarici işlər naziri bildirib.
Havar Şəfiyeva
Son şərhlər