Çexiyanın baş naziri Petr Fiala bildirib ki, etiraz edən çex fermerləri Rusiyanı dəstəklədiklərini gizlətmirlər və fermerlərin şəraitinin yaxşılaşdırılmasından başqa məqsədlər güdürlər. Elchi.az xəbər verir ki, o, mesajı “X” sosial şəbəkəsində dərc edib.
Fiala Avropa İttifaqının yaşıl siyasətinə etirazları və ölkə hakimiyyətinin kənd təsərrüfatına dəstək üçün kifayət qədər tədbirlər görməməsini şərh edib. Onun fikrincə, etirazın fermerlərin şəraiti uğrunda mübarizəyə çox az dəxli var.
“Nümayiş, məsələn, Kremlə dəstək olduqlarını gizlətməyən və fermerlərin maraqlarından başqa məqsədlər güdən insanlar tərəfindən keçirilir”, – Çexiyanın baş naziri bildirib. Onun sözlərinə görə, fermerlərin maraqlarını təmsil edən bütün əsas təşkilatlar aksiyadan uzaqlaşıblar. Fiala əlavə edib ki, ölkənin kənd təsərrüfatı nazirliyi Aİ qaydalarının təsirinə qarşı mübarizə tədbirləri üzərində işləyir.
Qeyd edək ki, bundan əvvəl Avropa Parlamentinin Çexiyadan olan üzvü Tomas Zdeçovski avropalı fermerlərin etirazları nəticəsində dəymiş ziyandan şikayətlənib. o, Fransada fermerlərin etirazlarının Avropa İttifaqında malların sərbəst hərəkəti ilə bağlı vəziyyətə mənfi təsir göstərdiyini vurğulayıb.
Havar Şəfiyeva
Son şərhlər