Cinayətkarlar İngiltərənin Bristol şəhərindəki muzeydən “əhəmiyyətli mədəni dəyərə malik” 600-dən çox eksponatı oğurlayıblar.
Elchi.az xəbər verir ki, bu barədə Avon və Somerset polisinin yaydığı bəyanatda bildirilir.
Onların məlumatına görə, sentyabrın 25-ə keçən gecə Britaniya İmperiyası və Birlik Muzeyinin qarəti baş verib.
“Əhəmiyyətli mədəni dəyərə malik çoxsaylı əşyaların oğurlanması şəhər üçün ciddi itkidir. Bir çoxu bağışlanmış bu əşyalar Britaniyanın çoxtəbəqəli tarixi haqqında zəngin fikirlər təqdim edən kolleksiyanın bir hissəsidir və ümid edirik ki, ictimaiyyət nümayəndələri günahkarları məsuliyyətə cəlb etməkdə bizə kömək edəcəklər”, – detektiv konstebl Den Burgan bildirib.
Polis CCTV fotoşəkillərini və hamısı ağdərili kişi olan dörd şübhəlinin təsvirlərini yayımlayıb. Hüquq-mühafizə orqanları oğurlanmış malların dəyəri ilə bağlı təxmini məlumat verməyiblər və bu məlumatı iki ay yarım sonra niyə yaydıqlarını izah etməyiblər.
Məryəm
