Birləşmiş Millətlər Təşkilatının (BMT) sözçüsü Stefan Dujarrik xəbərdarlıq edib ki, BMT-nin Təhlükəsizlik Şurası müxalifətin nəzarətində olan bölgələrə humanitar yardım göndərilməsini nəzərdə tutan qətnaməni verməsə, milyonlarla insan əziyyət çəkəcək.
Elchi.az Trthaber.com.tr-yə istinadən bildirir ki, S.Dujarrik Suriyaya transsərhəd humanitar yardım proqramı ilə bağlı sualları cavablandırıb.
Düjarrik bildirib ki, yanvarın 10-da başa çatacaq humanitar yardım proqramının müddəti uzadılmazsa, milyonlarla insan əziyyət çəkəcək.
Proqramın uzadılması ilə bağlı mövqelərinin çox aydın olduğunu bildirən Düjarrik qərarın uzadılmasına çağırıb. Digər tərəfdən, BMT Türkiyə sərhədindən Suriyaya edilən yardımların hər ay orta hesabla 2,7 milyon insana çatdığını qeyd edib.
2023-cü ildə təxminən 15,3 milyon insanın humanitar müdafiə və yardıma ehtiyacı olacağını qeyd edən BMT sözçüsü bu rəqəmin 2011-ci ildən bəri ən yüksək göstərici olduğunu açıqlayıb.
“Əsasən qadınlar və uşaqlar olan insanların yalnız qışda və şiddətli vəba epidemiyasının ortasında sağ qalmaq üçün köməyə ehtiyacı var”, – bəyanatda deyilir.
BMT dekabrda 62 000 vəba hadisəsinin qeydə alındığını, 100 nəfərin isə xəstəlikdən öldüyünü açıqlayıb. 2014-cü ildən bəri Türkiyə-Suriya sərhədindəki Babül Hava Sərhəd Qapısından humanitar yardım əməliyyatlarına icazə verən qərarın müddəti yanvarın 10-da başa çatır.
BMT Təhlükəsizlik Şurasının humanitar yardımın göndərilməsi ilə bağlı qərarını daha 6 ay müddətinə uzatmaq səlahiyyəti var.
Yalnız bir sərhəd keçidi kömək edir
BMT Təhlükəsizlik Şurasının 2014-cü ildə qəbul etdiyi qətnaməyə əsasən, Suriyanın şimal-qərbindəki bölgələrə beynəlxalq yardım göndərilir.
Suriyada müxalifətin nəzarətində olan bölgələrə Türkiyə, eləcə də İraq və İordaniyadakı iki sərhəd qapısından humanitar yardım göndərilməsini nəzərdə tutan qətnamə layihəsi sonrakı illərdə Rusiya və Çinin etirazları ilə məhdudlaşdırılıb.
Hazırda ərzaq və dərman yardımı yalnız Babül Hava Sərhəd Qapısı vasitəsilə çatdırılır. BMT Təhlükəsizlik Şurası yardım proqramının yanvarın 10-dək uzadılmasına razılıq verib.
Yardım proqramının uzadılması üçün Şuranın 5 daimi üzvündən (Rusiya, Çin, ABŞ, Fransa və Böyük Britaniya) heç birinin etiraz etməməsi şərti ilə ən azı 9 üzvün təsdiqi tələb olunur.
Yeganə
Son şərhlər