“İsrail ordusunun Qəzzanın səhiyyə sistemini hədəfə alması və məhv etməsi tibbi qırğına bərabərdir”, – BMT məruzəçilərinin bəyanatında deyilir.
Birləşmiş Millətlər Təşkilatının (BMT) məruzəçiləri İsrail ordusunun Qəzzanın səhiyyə sistemini hədəf alması və məhv etməsinin “tibbi qırğın” olduğunu bildirib.
Elchi.az xəbər verir ki, BMT-nin Fələstin üzrə xüsusi məruzəçisi Francesca Albanese və sağlamlıq hüququ üzrə xüsusi məruzəçisi Tlaleng Mofokeng İsrailin sıx hücumları və blokadası altında olan Qəzza ilə bağlı ortaq yazılı açıqlama verib.
İsrailin mühasirədə olan bölgədə səhiyyə xidmətlərini tamamilə aradan qaldırmaq üçün səhiyyə işçilərinə, məmurlara və xəstəxanalara qəsdən hücum etdiyi və aclıqdan əziyyət çəkən mülki şəxslərə hücum etdiyi ifadə edilən açıqlamada, “İsrail ordusunun Qəzzanın səhiyyə sistemini hədəf alması və məhv etməsi tibbi qırğına bərabərdir” ifadəsi yer alıb.
Qəzzada açıq şəkildə işlənən hərbi cinayətlər qarşısında susqunluğun davam etdirilə bilməyəcəyi vurğulanan bəyanatda, “Davam edən bir soyqırımın şahidi olmaqdan əlavə, Qəzzada fələstinliləri məhv etmək üçün qəsdən yaradılan şəraitin pis tərkib hissəsi olan və soyqırım aktı təşkil edən tibbi qırğına da şahid oluruq.”
Bəyanatda vurğulanıb ki, İsrailin işğal olunmuş ərazilərdə fələstinliləri hədəf alan aparteid sistemi və Qəzzada səhiyyə sisteminə davamlı hücumlar mühasirəyə alınmış və viran qalmış bölgədə qalan son resursları tükəndirir.
Bəyanatda qeyd edilib ki, Qəzzada tibb işçilərinin daim hədəfə alındığı, həbs edildiyi, işgəncələrə məruz qaldığı və hazırda əhalinin qalan hissəsi kimi ac qaldığı vurğulanıb.
Nuranə Məmmədova
