Quran kitabını yandıranlar “nifrət cinayəti” olaraq cəzalandırılmalı, bu çirkin aksiya dərhal qadağan edilməlidir.
Elchi.az xəbər verir ki, bunu Birləşmiş Millətlər Təşkilatının (BMT) Baş katibinin keçmiş müavini Yan Eliasson tvitter hesabında bildirib.
O, Danimarkanın radikal sağçı Sərt İstiqamət Partiyasının (Stram Kurs) lideri Rasmus Paludan tərəfindən başladılan Quranın yandırılması aksiyasının ölkədə 7 ayda 43 milyon kron (4 milyon 181 min dollar) ziyan vurduğunu söyləyib:
“Mən bu qədər pul xərclənməsini ağılsızlıq sayıram. Çünki ifadə azadlığına aid olmayan bir əməlin 43 milyon krona başa gəlməsi gülüncdür. Polis bunun əvəzinə öz mənbəyini və enerjisini açıq-aşkar cinayətlərə ayırmalı idi”.
Qeyd edək ki, Paludanın Danimarka ilə yanaşı, İsveç vətəndaşlığı da var. O, 11 sentyabrda İsveçdə keçiriləcək ümumi seçkilərdə iştirak etməyə hazırlaşır. Paludan son 15 gündür İsveçin müxtəlif yerlərində Quranı yandırmaqla məşğuldur. Xüsusilə türk və müsəlman məhəllələrini seçən Paludan, polisin ciddi mühafizəsi altında məscidlərin qarşısında Quranı yandıraraq İslam Peyğəmbərini təhqir edir.
Son şərhlər