“Uşaqlarla məşğul olan müəllim psixoloji cəhətdən sağlam olmalıdır. Evdə və çöldəki problemlərini sinif otaqlarına və ya məşq zallarına gətirməməlidir. Çünki məşqdə olan uşağın qarşısına çıxan çətinlik, yoldaşları və müəllimlə, eləcə də ailədə olan qarşılıqlı münasibətdə də baş verə bilir”. Bunu Elchi.az-a açıqlamasında psixoloq Aytən Ələkbərova deyib.
O, həmçinin əlavə edib:”Müəllimin ciddi tələbkarlığı, müxtəlif tapşırıqların verilməsi uşaqda gərginlik və eyni zamanda sıxıntı yaradır. Beləliklə uşaq düşdüyü yeni şəraitə çətin uyğunlaşır və öz yoldaşları ilə ünsiyyətə girməkdə çətinlik çəkir. Buna görə də təcrübəli müəllim, öz şagirdin nöqsanlarını müntəzəm şəkildə izləyib, düzəltməyə səy göstərməlidir. Cüdo Sambo, Güləş kimi döyüşlərdə uğur qazanmış müəllimlərimiz var ki, gəncləri yetişdirmək üçün hansısa agressiyanı göstərirlər, amma o körpə uşağa kimi yox. Əgər belə bir hərəkət edibsə onun psixoloji durumu tamamilə sıfırdır. Onun qeyri adekvat vəziyyətlərdə özünü idarə etməmə mexanizmi işə keçibdir. Uşaqlara məşğul olan müəllim uşaqlara hamıya eyni tələbkarlıqla yanaşsa da, onların arasında düzgün qarşılıqlı münasibətin formalaşması üçün ən gözəl şərait yaratmalıdır”.
Havar Şəfiyeva
Son şərhlər