Xirosimada ziyarət etdiyi muzeyin qonaqlar kitabına yazdığı mesajda ABŞ prezidenti Co Bayden “nüvə silahlarından azad bir dünya üçün səy göstərəcəyini” vəd edib.
Elchi.az xəbər verir ki, Yaponiyanın cənub-qərbində, Xirosimada G7 Liderlərinin Sammiti davam edir, sammit çərçivəsində liderlər dünən Xirosima Sülh Memorial Muzeyini ziyarət etdilər və qonaqlar kitabına öz təbriklərini yazıblar.
1945-ci ildə Xirosimaya atılan atom bombası dövrünə aid 100.000-dən çox artefakt və qalıqların nümayiş olunduğu muzey G7 liderlərinin ilk kollektiv səfərinə səhnə olub.
Yaponiya hökuməti son bəyanatında liderlərin muzeyin qonaqlar kitabına öz milli dillərində yazdığı mesajları açıqlayıb.
Buna uyğun olaraq, qeyd dəftərindəki mesajında ABŞ prezidenti Bayden “nüvə silahlarından azad bir dünya üçün səy göstərəcəyini” vəd edib.
“Gəlin birlikdə dünyanı nüvə silahlarından nəhayət və əbədi olaraq təmizləyə biləcəyimiz günə doğru irəliləməyə davam edək. İnancınızı qoruyun!”, – ifadələrindən istifadə edib.
Şayəstə Hüseynova
Son şərhlər