ABŞ prezidenti Co Bayden son bir neçə həftə ərzində Qəzza zolağındakı vəziyyətlə bağlı verdiyi qərarlara görə İsrailin baş naziri Benyamin Netanyahuya münasibətini dəyişib .
Elchi.az xəbər verir ki, bu barədə Axios portalı Vaşinqton administrasiyasındakı mənbələrə istinadən məlumat yayıb.
Nəşrin qeyd etdiyi kimi, Baydeni Netanyahuya münasibətini dəyişməyə məcbur edəcək konkret epizod məsələsi deyil . Axios həmsöhbətləri qeyd ediblər ki, söhbət Fələstin-İsrail münaqişəsi ətrafındakı vəziyyətlə bağlı “baş nazirin son bir neçə həftə ərzində baş verən hadisələrin və qərarların məcmusundan” gedir. Portal vurğulayır ki, Amerika lideri 40 ildir tanıdığı yəhudi dövlətinin baş nazirindən və Qəzzaya dair siyasətindən ayrılıb, lakin eyni zamanda İsrailin və onun Fələstin radikalına qarşı mübarizəsinin tərəfində qalıb.
Nuranə Məmmədova