HƏMAS və İsrail arasında münaqişə 10-cu gününə qədəm qoyarkən ABŞ prezidenti Co Bayden diqqətçəkən bəyanatla çıxış edib. Bayden deyib: “İsrailin Qəzzaya hücumu böyük səhv olardı”. HƏMAS-ın tamamilə məhv edilməli olduğunu, lakin Fələstin Administrasiyası və dövləti üçün bir yol olması lazım olduğunu bəyan edən Bayden, “Bu yol iki dövlətli həll yolunu təmsil edir və ABŞ-ın onilliklər boyu siyasətidir. Bu, müstəqil dövlətin yaranmasına gətirib çıxaracaq”.
Elchi.az xəbər verir ki, ABŞ prezidenti Co Bayden Həmas-İsrailin Qəzzada intensivləşən hücumları ilə bağlı yeni açıqlama verib.
Bayden CBS News kanalının “60 Dəqiqə” proqramında qonaq olub.
İsrailin Qəzzada “müharibə qaydalarına” əməl edəcəyinə inandığını vurğulayan Bayden, günahsız Qəzzalıların qida, su və dərmana çıxışı olacağını söyləyib.
Bayden: “İndiki məqamda İsrailin Qəzzanı işğalına dəstək verərdinizmi?” “Düşünürəm ki, bu, böyük səhv olardı. Fikrimcə, Qəzzada baş verənlər ekstremist Həmasla bağlıdır. Bu, bütün Fələstin xalqını təmsil etmir. İsrailin Qəzzanı işğal etməsi səhv olardı”.
ABŞ-ın prioritetlərinin təkcə amerikalı girovları xilas etmək olmadığını ifadə edən Bayden, “Hazırda ən vacib şey bu vəhşiliyə son qoymaq və məsuliyyət daşıyanları cəzalandırmaqdır”,- deyib.
ABŞ əsgərlərinin Yaxın Şərqdə müharibəyə cəlb olunma ehtimalı ilə bağlı Bayden, “Bunun lazım olduğunu düşünmürəm”. O xatırladıb ki, İsrailə lazım olan bütün dəstəyi verəcəyinə söz verib.
Son hadisələrin ABŞ-da təhlükəsizlik təhdidini artırıb-artmadığına gəlincə, Bayden bu gün ABŞ Daxili Təhlükəsizlik Departamentinin və Federal Təhqiqat Bürosunun (FTB) nümayəndələri ilə görüş keçirdiyini və təhlükəsizlik tədbirlərinin artırıldığını qeyd edib.
Qəzza zolağında 2 milyon insan üçün humanitar dəhliz yaradılması ilə bağlı Bayden deyib: “Biz bunu istəyirik. Komandam (İsraillə) görüşür. Biz Misirlə də görüşürük ki, necə təhlükəsiz zona yarada bilərik.. Amma bu, asan deyil”.
“Bayden İran və Hizbullahın gərginliyi artıracaq addımlardan qaçması lazım olduğuna diqqət çəkərək, İranın HƏMAS hücumunda əli olduğuna dair açıq bir dəlil olmadığını bildirib.
İranın HƏMAS və Hizbullahı daim dəstəklədiyini qeyd edən Bayden, “Amma hücumdan əvvəldən xəbərləri olubmu? Hücumun planlaşdırılmasına kömək ediblərmi? Hələlik bu istiqamətdə heç bir dəlil yoxdur” deyib.
Nuranə Məmmədova
Son şərhlər