“Zəlzələnin bir çox istiqamətlərdə qardaş ölkəyə mənfi təsirləri olacaq. Bu böyüklükdə dağıdıcı bir fəlakət baş verəndən sonra ölkəyə ən müxtəlif ziyanlı təsirlərdən danışmamaq mümkün deyil. Türkiyənin global, regional siyasətində bu zəlzələnin təsirləri hiss olunacaq”. Bu sözləri siyasi şərhçi Aydın Quliyev deyib.
O, həmçinin bildirib:”Daxili siyasətinin müxtəlif sahələrində öz təsirini göstərəcək. Hər şeydən qabaq Türkiyənin daxili həyatında dəyişikliklər gözlənilir.İqtisadiyyata, maliyyə sisteminə müxtəlif dövlət strukturlarının fəaliyyətinə artıq təsiri olub. Ölkənin əhalisinin 15 milyonunu, ərazisinin böyük bir hissəsini təsirləndirən bir hadisədir. Bunların nə zamana qədər bərpa olunacağı ilə bağlı heç bir məlumat vermək olmur. Bir reallıq var ki, qardaş ölkə bütün potensial imkanlarını səfərbər edib. Ancaq seçki öncəsində bu hadisə Türkiyənin daxili siyasi həyatına da təsirsiz ötüşməyəcək. Ölkənin daxildə siyasi qüvvələr nisbətində zəlzələnin təsiri altında müəyyən dəyişikliklərin baş verməsi qaçılmazdır . Hər halda nə müxalifətin mövqeyini, nə də hakimiyyətin mövqeyini zəlzələdən əvvəlki illərlə müqayisə eləmək düzgün olmaz. Bütün hallarda ölkə daxilində seçki qabağı qüvəllər nisbətində təsirlənməlır var. Və bu dəyişiklik getdikcə özüne daha çox göstərəcək. Cəmiyyət arasında seçki ərəfəsində zəlzələnin təsiri altında siyasətə müəyyən baxış dəyişikliyi olacaq. Aydın məsələdir ki Türkiyə cəmiyyətinin də hazır ki siyasəti neçə illər öncəki münasibətlə müqayisə olunmaz dərəcədə dəyişiklərə uğrayacaq. Qardaş ölkənin çətin bir dövrün yaşadığını etiraf etməliyik. Əlbətdə bizim hamımızın istəyimiz qardaş ölkənin bu siyasi çətinlikdən mümkün qədər az itki ilə çıxmasını arzulamaqdan ibarətdir”.
Havar Şəfiyeva
Son şərhlər