Xəbər verdiyimiz kimi, bu gün günorta saatlarında Göygöl rayonu ərazisində sərnişin avtobusu qəzaya uğrayıb.
Göygöl Rayon Polis Şöbəsindən anspress-ə verilən məlumata görə, hadisə Bakı-Qazax-Gürcüstan magistral yolunun 352-ci kilometrliyində qeydə alınıb.
Belə ki, Hacıməlik kəndi ərazisində sürətlə hərəkət edən “VAZ-2107” markalı avtomaşın sərnişin avtobusuna çırpılıb.
Qəza zamanı iki nəfər ölüb, 5 nəfər ağır yaralanıb. Ölənlərdən birinin azyaşlı olduğu bildirilir. Yaralılar Gəncə Şəhər Təcili Tibbi Yardım Xəstəxanasına yerləşdiriliblər.
Faktla bağlı cinayət işi başlanıb, araşdırma aparılır.
* * *13:07
Bakı-Qazax-Gürcüstan magistral yolunda ağır yol-nəqliyyat qəzası baş verib.
Baş Dövlət Yol Polisi İdarəsindən APA-ya verilən məlumata görə, hadisə bu gün saat 12 radələrində magistral yolun 352-ci kilometrliyində, Göygöl rayonu Hacıməlik kəndi ərazisində qeydə alınıb. “VAZ-21011” markalı avtomaşınla sərnişin daşıyan avtobus toqquşub.
Qəza zamanı bir azyaşlının öldüyü, bir necə nəfərin isə ağır bədən xəsarətləri alaraq Gəncə şəhər Təcili Tibbi Yardım Xəstəxanasına yerləşdirildiyi bildirilir.
Faktla bağlı Baş Dövlət Yol Polisi İdarəsində araşdırma aparılır.
Son şərhlər