Azərbaycan Silahlı Qüvvələri Cənubi Qafqazın ən güclü ordusudur.
“Report” xəbər verir ki, bu barədə “Global Firepover” təşkilatının dünya ölkələri ordularının gücü ilə bağlı hazırladığı yeni hesabatda bildirilib.
Təşkilatın 2019-cu il üzrə siyahısında Azərbaycan Ordusu gücünə görə 52-ci yeri tutub. Cənubi Qafqazın digər ölkəsi Gürcüstan dünyada 85-ci sırada qərarlaşıb, Ermənistan isə 96-cı yerdədir.
Dünyanın ən güclü ordusu ABŞ Silahlı Qüvvələridir. Hərbi gücünə görə, Rusiya 2-ci, Çin 3-cü, Hindistan 4-cü, Fransa 5-ci, Yaponiya 6-cı, Cənubi Koreya 7-ci, Böyük Britaniya 8-ci sıradadır.
Türkiyə Silahlı Qüvvələri dünyanın 9-cu güclü ordusudur. Türkiyə ordusu NATO-da 4-cü, Avropada 3-cü, Yaxın və Orta Şərqdə 1-ci yerdədir.
İlk onluğa daxil olan sonuncu ölkə isə Almaniyadır.
İran isə siyahıda 14-cü yeri tutub.
Son şərhlər