Asim Mollazadə: "Gümrüdə baş verənlər müstəqilliyini itirmiş və alçalmış millətin qəzəbidir"

“İstənilən müstəmləkədə belə hadisələr baş verə bilər və biz düşünmürük ki, bu hadisələrin baş verməsini Rusiya ilə Ermənistan arasında gərginlik kimi qiymətləndirməlidir”.
Bunu Lent.az-a millət vəkili Asim Mollazadə Gümrüdə 6 nəfərlik erməni ailəsini gülləyən rus əsgərinə etiraz olaraq Rusiya əleyhinə başlanan etiraz aksiyalarını şərh edərkən deyib.
Onun sözlərinə görə, Rusiyanın hərbi bazasına çevrilən Ermənistanda istənilən vaxt bu cür hadisələr ola bilər: “Ermənilərin bu davranışının əsas səbəbi müstəqilliyini itirmiş və alçalmış millətin qəzəbidir. Bu gün Ermənistanı idarə edənlər “kalaşnikov” siyasətini həyata keçirirlər. Ermənistanın öz rəhbərliyi mütəmadı olaraq erməniləri qətlə yetirməklə rus əsgərindən daha böyük cinayətlərə əl atır” .