ABŞ-da “Şimali Amerikanın Pakistanlı Həkimlər Dərnəyi”nin (APPNA) təşkil etdiyi qala gecəsində prezident Rəcəb Tayyib Ərdoğanın video müraciəti yayımlanıb.
Elchi.az Anadolu Agentliyinə istinadən xəbər verir ki, minlərlə həkim, səhiyyə işçisi və qonaq Texas ştatının Dallas şəhərində keçirilən “Şimali Amerikanın Pakistanlı Həkimlər Assosiasiyası”nın 46-cı İllik Konfransında bir araya gəlib.
Türkiyənin Vaşinqtondakı səfiri H. Murat Mercanın da iştirak etdiyi şam yeməyində İstiqlal Marşı oxunub, ardınca prezident Ərdoğanın video müraciəti dinlənilib. Mesaj böyük marağa səbəb olub.
Daha sonra APPNA səfir Murat Mercana zəlzələdən sonra Türkiyəyə edilən yardımı simvolizə edən çek təqdim edib. Mercan buradakı çıxışında “APPNA”-ya təşəkkür edib.
1977-ci ildə yaradılmış və qısaca “APPNA” kimi tanınan “Şimali Amerikanın Pakistanlı Həkimlər Assosiasiyası”nın ABŞ və Kanadada təxminən 18 min üzvü var.
ABŞ-da yerləşən, qeyri-kommersiya, etnik əsaslı, Şimali Amerikanın ən böyük tibbi qeyri-hökumət təşkilatlarından biri olan “APPNA”, 6 fevral 2023-cü ildə Kahramanmaraşda baş verən zəlzələdən sonra həmrəyliyi ilə də tanınıb.
Nuranə Məmmədova
Son şərhlər