560 milyon qazanan “American Powerball” lotereyasının qalibi mükafata dair ətraflı məlumat verməkdən imtina edib.
AzNews.az-ın dünya mətbuatına istinadən verdiyi məlumata görə, amerikalı qadın mükafatı anonim şəkildə geri çəkmək hüququ əldə etmək üçün məhkəməyə üz tutmaq niyyətindədir. Məhkəmə sənədlərində o, özünü Ceyn Doe adlandırıb.
Amerikalı qadın şəhərin bütün sakinlərinin, o cümlədən fırıldaqçılar və cinayətkarların da onun qəfil zənginliyindən xəbər tutacağından qorxur.
Həmçinin, nəşrdə bildirilir ki, lotereyanın təşkilatçıları üçün bir tərəfdən qalibin elan edilməsi fırıldaqçılıqdan qaçmaq üçün bir üsuldur, digər tərəfdən isə amerikalılar arasında oyunu populyarlaşdıran güclü bir marketinq hərəkatıdır. Nyu Hamşir qanunlarına əsasən qalibin adı, şəhəri və məbləği dərc olunmalıdır.
