“Allah Xudu Məmmədova qoşa qanad vermişdi”

Dünya şöhrətli alimimiz, professor Rafiq Əliyev görkəmli elm xadimi Xudu Məmmədovun doğum günü ilə bağlı Moderator.az-a aşağıdakı məzmunda yazı göndərib:

“Xudu müəllim Xudanın göndərdiyi bir fenomen idi. Həyatda belə bir bölgü var və bu təkcə Azərbaycana aid deyil, yer üzündəki bütün millətlərdə iki faiz insanlar var ki, onlar təkcə öz dövlətlərini deyil, bəşəriyyəti öz arxalarınca apara bilmək iqtidarında olurlar. Bu insanlar dahi hesab olunurlar. Yerdə qalan 20 faiz insanlarsa həmin 2 faiz dahilərin ideyalarını həyata keçirən, onların dahiliyini dünyaya göstərən, sübut edən insanlardı. Yəni onların da iştirakları çox vacibdir. Xudu müəllim həmin 2 faiz dahi insanlar kateqoriyasındadır. 80 faiz insanlardansa o qədər də çox şey gözləmək doğru deyil və heç gözləmirlər də. Hətta dünyada 20-80 faiz prinsipi var ki, məhz həmin 20 faizin hesabına 80 faizin yaşadığı deyilir.

Xudu Məmmədov Allahın bu millətə, bu məmləkətə pay göndərdiyi bir şəxsiyyət idi. Xudu müəllim çox böyük alim idi. Hətta sovetlərin qapalı vaxtında Xudu müəllim dünya miqyasına çıxa bilmişdi, İngiltərədə, dünyanın ayrı-ayrı elm mərkəzlərində çox böyük işlər aparmışdı. Onun məhşur “Qoşa qanad” kitabı da necə nəhəng bir filosof olduğunu ortaya qoydu. O eyni zamanda incəsənətə bağlı bir adam idi. Hətta Xudu müəllim gözəl rəssam idi. 40-cı illər axırlarında Ağdam teatrında Xudu müəllim dram teatrındakı dekorasiyaları, rəsmləri ustalıqla hazırlayırdı. Onun çox gözəl şeirləri və bayatıları, sənət haqqında fəlsəfi əsərləri var. Yəni pərvaz etməsi üçün Allah Xudu müəllimə qoşa qanad vermişdi. Allah ona həm elm vermişdi, həm də fəlsəfi dərinliyi, incəsənət biliciliyi ilə pərvaz edib dünyaya çıxa bilirdi. Onun məhşur bayatısı var və çox adam yanlış olaraq elə bilir ki, bu, qədimdən qalan bayatıdır, amma bu Xudu müəllimindir.

Məncə Xudu yanılmayıb və onun izi dünya durduqca yaşayacaq. Mən Azərbaycan universitetlərində müxtəlif auditoriyalara girirəm, bəzən ümumi söhbətlər aparanda tələbələrdən Xudu Məmmədovu tanıyıb-tanımadıqlarını soruşuram. Bütün auditoriya qayıdır ki, məgər onu tanımayan var? Bax ölümüzlük budur. Adam var ki, sağlığında belə, onun öldü-qaldısı bilinmir. Amma o iki faiz insanlarsa öləndən sonra da diri olurlar. Onun bu günlə səsləşən bir bayatısı da var:

Görün bu sözlərdə nə qədər dərin fəlsəfi fikir var.