Avropa Komissiyası (AK) Rusiya Mərkəzi Bankının dondurulmuş aktivlərindən əldə edilən vəsaitin 1,4 milyard avro məbləğində olan beşinci tranşını Ukraynaya köçürməyi öhdəsinə götürüb.
Elchi.az xəbər verir ki, bu barədə AK-nin mətbuat açıqlamasında məlumat verilib.
“Rusiya vurduğu ziyana görə cavab verməlidir. Biz isə bu öhdəliyin yerinə yetirilməsini təmin etmək üçün Rusiyanın dondurulmuş aktivlərindən əldə olunan vəsaitdən istifadə edirik”, – deyə AK-nin sədri Ursula fon der Lyayen bildirib.
Fon der Lyayen qeyd edib ki, bu vəsaitlərin Ukraynaya ayrılması Rusiyaya qarşı hərbi əməliyyatların davam etdirilməsi üçün vacibdir. Onun sözlərinə görə, dondurulmuş Rusiya aktivləri hesabına Ukraynaya ödənilən vəsaitin ümumi məbləği 8 milyard avroya çatıb.
Daha əvvəl Ukrayna Avropa Komissiyasından 90 milyard avroluq kredit çərçivəsində 3,47 milyard avro məbləğində tranş almışdı. Ursula fon der Lyayenin sözlərinə görə, Avropa İttifaqı və Kiyev Avropanın sənaye potensialını “Ukraynanın misilsiz innovasiya imkanları” ilə birləşdirirlər.
Yeganə
