Avropa İttifaqı (Aİ) tezliklə Qrenlandiyanın dəstəklənməsinə və inkişafına yönəlmiş investisiya planını təqdim edəcək.
Elchi.az xəbər verir ki, bu barədə Beynəlxalq tərəfdaşlıq üzrə Avropa komissarı Jozef Sikela ofisi məlumat verib.
“Biz Qrenlandiyada gündəlik həyatı yaxşılaşdıracaq və Qrenlandiyalıların öz gələcəkləri ilə bağlı qərar vermək hüququna güclü dəstəyimizi gücləndirəcək əhəmiyyətli bir investisiya paketi hazırlayırıq”,-deyə Sikela bildirib.
Sərmayələr bərpa olunan enerji mənbələrinin, kommunikasiyaların inkişafına, eləcə də müdafiə sənayesi və elektromobil istehsalına dəstək verməyə yönəlmiş Aİ layihəsinə yönəldiləcək. İcma adaya sərmayəni təxminən iki dəfə artıraraq 500 milyon avroya çatdırmağı, həmçinin mövcud layihələri dəstəkləməyi planlaşdırır. Sikela yanvarın 26-da Danimarkaya səfər edəcək və xarici işlər naziri Lars Løkke Rasmussen də daxil olmaqla yüksək səviyyəli rəsmilərlə görüşəcək.
Yanvarın 21-də NATO-nun baş katibi Mark Rutte ilə danışıqlardan sonra ABŞ prezidenti Donald Tramp Qrenlandiya sazişinin konturlarının ortaya çıxdığını açıqlayıb. Ruttenin prezident Trampa təklif etdiyi saziş layihəsi Danimarkanın Qrenlandiya üzərində suverenliyinin qorunub saxlanmasını və adanın müdafiəsi ilə bağlı 1951-ci il müqaviləsinin şərtlərinin yenilənməsini nəzərdə tutur. Bu, NATO-nun lazım bildiyi təqdirdə ABŞ-a orada hərbi bazalar və “müdafiə zonaları” yaratmağa imkan verəcək.
Yeganə
