İsveçrənin ETH Zurich-in alimləri ağaclar kimi havadan karbon qazını udmaq qabiliyyətinə malik canlı material hazırlayıblar. Material fotosintetik bakteriyalar sayəsində karbon qazını həm üzvi, həm də mineral formalara çevirə bilir.
Elchi.az xəbər verir ki, makromolekulyar mühəndislik professoru Mark Tibbittin rəhbərlik etdiyi tədqiqatda fotosintetik bakteriyalar (siyanobakteriyalar) xüsusi gelə yerləşdirilib. Beləliklə, həm canlı, həm də böyüyə bilən və atmosferdən birbaşa CO₂ tuta bilən tikinti materialı istehsal olundu.
İki tərəfli karbon saxlama
Material 3D çap texnologiyası ilə formalaşdırıla bilər. Onun böyüməsi üçün yalnız günəş işığı, karbon qazı və əsas qida maddələri ilə zənginləşdirilmiş süni dəniz suyu lazımdır. Onun ən diqqətçəkən xüsusiyyəti karbonu təkcə biokütlə deyil, həm də mineral formada saxlaya bilməsidir.
Sianobakteriyaların bu xüsusiyyəti həm ekoloji, həm də struktur üstünlükləri təmin edir. Fotosintez zamanı materialın daxili strukturunda əhəngdaşı kimi bərk karbonatlar əmələ gəlir. Bu minerallar uzun ömürlü karbon ehtiyatları kimi xidmət edir.
Şayəstə Hüseynova
