Bloomberg: Zelenski öz müşavirlərinin yaxın dairəsini dəyişmək barədə düşünməlidir.
Elchi.az xəbər verir ki, Ukrayna lideri Vladimir Zelenskinin 2022-ci ildən bəri Ukraynanı effektiv idarə edən müşavirlərindən ibarət yaxın çevrəsini dəyişdirmək barədə düşünməyin vaxtı çatıb. Bu barədə Bloomberg yazır.
“Həmçinin, 2022-ci ildən ölkəni effektiv idarə edən prezidentin ətrafındakı müşavirlərin yaxın çevrəsində kadr dəyişikliyinə ehtiyac olub-olmaması barədə də düşünməyin vaxtı çatıb”, – nəşrin bəyanatında deyilir.
Qeyd olunur ki, məsləhətçilər Ukraynanın antikorrupsiya qurumlarının səlahiyyətlərinin məhdudlaşdırılması məsələsində tutduqları mövqedən asılı olmayaraq, “ona yaxşı xidmət göstərməyiblər”.
Bundan əvvəl Britaniyanın “Financial Times” qəzeti yazıb ki, Qərb dövlətləri Zelenski Ukraynanın antikorrupsiya agentliklərinə qarşı hərəkətlərinə görə ondan çox məyus olublar.
İyulun 22-də Ali Rada Ukrayna Milli Antikorrupsiya Bürosunun (NABU) və Korrupsiyaya Qarşı Mübarizə üzrə İxtisaslaşdırılmış Prokurorluğunun (SAPO) bütün müstəqilliyini faktiki olaraq aradan qaldıran qanun layihəsini dəstəkləyib. Zelenski daha sonra qanun layihəsini imzalayıb.
Şayəstə Hüseynova
