“Fransa ABŞ-ın müttəfiqidir, lakin Fransa prezidenti Emmanuel Makronun Ukraynaya qoşun yeritmək barədə açıqlamasına baxmayaraq, Vaşinqtonun ora hər hansı qoşun göndərmək planı yoxdur”.
Elchi.az Mk.ru-ya istinadən xəbər verir ki, bu sözləri ABŞ Dövlət Departamentinin spikeri Metyu Miller brifinq zamanı deyib.
Dövlət Departamentinin sözçüsünə “Bloomberg”-in Makronun qoşunların göndərilməsi ilə bağlı açıqlamasının Vaşinqtondakı rəsmiləri qəzəbləndirdiyini bildirən hesabatı ilə bağlı sual verilib.
“Mənim bu mesaja heç bir reaksiyam yoxdur. Amma təbii ki, biz açıq şəkildə bildirdik ki, ABŞ Ukraynaya heç bir qoşun göndərmək fikrində deyil”, – deyə Miller vurğulayıb.
O, həmçinin əlavə edib ki, hansı anonim məmurun nəşrə belə bir məlumat verə biləcəyini bilə bilməz. Eyni zamanda, Dövlət Departamentinin sədri qeyd edib ki, ABŞ bir sıra əsas məsələlər üzrə Fransa ilə əməkdaşlığı davam etdirir.
Yeganə
Son şərhlər