Rusiya ilə sülh razılaşması əldə olunarsa, ABŞ Ukraynada müzakirə olunan bufer zonasının monitorinqində liderlik edə bilər.
Elchi.az xəbər verir ki, bu barədə Amerika və Avropa hərbçilərinin planları ilə tanış olan mənbələrə istinadən NBC News kanalı məlumat yayıb.
” Birləşmiş Ştatlar pilotsuz təyyarələr, peyklər və digər kəşfiyyat aktivlərindən istifadə edərək bufer zonasının monitorinqində liderlik edəcək, lakin monitorinq aparacaq digər ölkələrlə də koordinasiya edəcək”, – bəyanatda deyilir.
Eyni zamanda, ABŞ öz qoşunlarını Ukrayna ərazisinə yerləşdirməyi planlaşdırmır . Telekanalın məlumatına görə, bufer zonanı NATO üzvü olmayan üçüncü ölkələrin qoşunları qoruyacaq . Mümkün variantlar arasında, xüsusən də Səudiyyə Ərəbistanı və Banqladeş var.
Nuranə Məmmədova
Son şərhlər