ABŞ ordusu İrana qarşı hərbi əməliyyatın ilk 24 saatında təxminən 779 milyon dollar xərcləyib ki, bu da ABŞ-ın 2026-cı il üçün bütün müdafiə büdcəsinin təxminən 0,1%-i deməkdir.
Elchi.az xəbər verir ki, bu barədə Türkiyənin “Anadolu” xəbər agentliyinin hesablamalarında qeyd olunub.
Əməliyyatın ilk günündə ABŞ-ın əsas xərcləri 340,4 milyon dollara başa gələn Tomahawk qanadlı raketləri olub. Sonrakı yerdə təyyarə xərcləri gəldi: qırıcı növlər 271,3 milyon dollara başa gəldi.
Üçüncü yeri birlikdə 122,2 milyon dollara başa gələn HIMARS raket sistemləri, kəşfiyyat və logistika dəstəyi tutub. Həmçinin qeyd edilir ki, B-2 strateji bombardmançılarının zərbələri ABŞ büdcəsinə 30,2 milyon dollara başa gəlib.
Bundan əlavə, əməliyyatda Amerikanın iki daşıyıcı döyüş qrupu, USS Abraham Linkoln və USS Gerald R. Ford iştirak edib. Daşıyıcıların istismarının dəyəri, esmineslər və sahilyanı döyüş gəmilərinin kontingenti ilə birlikdə gündə 15 milyon dollar qiymətləndirilir.
ABŞ Mərkəzi Komandanlığının (CENTCOM) rəhbəri Bred Kuperin sözlərinə görə, İrana qarşı əməliyyat başlayandan bəri ABŞ qüvvələri təxminən 2000 hədəfə zərbə endirib. O, Yaxın Şərq əməliyyatında iştirak edən ABŞ hərbçilərinin sayının 50 mini keçdiyinə də aydınlıq gətirib.
Yeganə
