Abbas Abbasov nə istəyir? — Baş nazirin sabiq müavini kriminal qruplarla işbirliyində!

Xəbər verildiyi kimi, Moskvada «Azərros” Federal Milli-Mədəni Muxtariyyətinin növbədənkənar hesabat-seçki qurultayı keçirilib. Bu qurultay isə Azərbaaycan mediasında daha çox Azərbaycanın baş nazirinin keçmiş 1-ci müavini, hazırda Moskvada «qaranlıq otaq”dan səsi gələn Abbas Abbasovun simasında daha çox müzakirə olunur. Bildirilir ki, bu qurultay təşkilatı faktiki Abbas Abbasovun «cəngi”ndən xilas etmək məqsədini daşıyıb və bu olayda Azərbaycan dövləti xüsusi maraqlı olub.
Bəs, əslində, nə baş verib və ya verməkdədir?
Bu və ya digər suallarla bağlı «Hefteaz.tv”-ni məlumatlandıran Moskvadakı diaspor təşkilatlarından birinin nümayədəsi maraqlı açıqlamalar verib. Onun sözlərinə görə, «Azərros» yarandığı gündən bu təşkilat əvvəlcə onun fəxri prezidenti olan Söyün Sadıxovun nəzarətində olub: «Lakin Azərbaycanda keçirilən son prezident seçkiləri ərəfəsində Abbas Abbasov bütün gücü ilə bu təşkilatı özünün maraq mərkəzinə çevirməyi bacardı. O, faktiki olaraq «incə siyasət» yeritməklə bu təşkilatı öz nəzarətinə keçirdi. Sizə açıq deyə bilərəm ki, o, bu məsələdə təkcə Rusiyanın bəzi siyasi dairələrindən və hüquq-mühafizə orqanlarından dəstək almadı, həm də buradakı kriminal qruplardan da yararlandı. Son bir ildə isə, o, təkcə bəzi məclislərdə Azərbaycan iqtidarı və onun ayrı-ayrı üzvlərinə qarşı açıq fəaliyyəti ilə seçilmədi, eyni zamanda, onun kimi düşünməyənləri burada sıxışdırmağa da başladı. Bu isə təşkilatın nüfuzlu və aparıcı fiqurlarının narazılığını böyütdü. Və ən nəhayət, Söyün Sadıqov özünün də oyuna salındığını anladı. Yəni, o, faktiki olaraq Abbas Abasov tərəfindən «tora” salındıqlarını fərq etdi. Məhz bundan sonra o, fəxri prezident kimi, Abbas Abbasov tərəfindən qorxu altında saxlanılan nüfuzlu ziyalı və biznesmenlərin niyyətlərinə dəstək verib, qurultay qərarını elan etdi».
Mənbə deyir ki, Abbas Abbasov və onun Rusiyadakı qaranlıq əməllərindən Azərbaycan dövlətindən daha çox, təşkilat fəallarının narazı olduğu açıq faktdır: «Bilirsiniz, buradakı azərbaycanlılar Rusiya mühitində yaşayıb, formalaşıblar. Onları Azərbaycandakı kimi, hər dəqiqə asanlıqla yönəltmək mümkün deyil. Ona görə də Abbas Abbasova qarşı yaşananları Azərbaycanla birbaşa əlaqələndirmək mümkün deyil. Bu fikiri Abbas Abbasov və onun yaxın ətrafının təşkilatdan uzaqlaşdırılmasına səs verənlərin çoxluq təşkil etməsi də qüvvətləndirir. Yəni hazırkı məqamda Azərbaycan dövləti rəsmi olaraq bu və digər təşkilatların mobil və monolit fəaliyyətində maraqlı olduğunu nümayiş etdirir. Elə qurultayda çıxış edən Azərbaycanın Rusiyadakı səfirinin müavini Qüdsi Osmanovun birləşməyə və monolit fəaliyyətə göstərməyə çağırması da deyilənlərə işıq sala bilər. Qüdsi Osmanov, açıq notla bildirib ki, Azərbaycan dövləti hər bir ölkədə güclü, monolit diasporu olmasında maraqlıdır. Və sonda o, qurultayın işində martın əvvəlinə kimi fasilə götürməyi və Abbas Abbasovun azsaylı tərəfdarları olan «AzərRos”un Federal Şurasının üzvləri ilə dialoq qurmağı tövsiyyə edib. Azərbaycan dövlətinin fikirinin ifadəçisi olan səfir müavini bununla, əslində, Abbas Abbasovu sıradan çıxarmaq məqsədlərinin olmadığını, onun və tərəfdarlarının da cəlb olunub, birgə fəaliyyət göstərilməsində maraqlı olduqlarını ifadə edib. Ancaq Abbas Abbasov buna tam əks mövqedən cavab verib. Yəni, o, barışıq deyil, parçalanmanı labüdləşdirərək, əsl mahiyyətini göstərməyə başlayıb.
Mənbə deyir ki, Abbas Abbasovun qurultay günü polis gücü ilə iclası dayandırmaq istəyi və qurultayadan sonra təşkilatın ayrı-ayrı nüfuzlu üzvlərinə qarşı «əyri yollar”la təzyiqləri də bu fikri qüvvətləndirir: «Abbas Abbasov qurultaydan sonra kriminal qüvvələri də işə salıb. O, təşkilatın bir neçə üzvünün evinə hətta krimanal adamlar da göndərib. Bəziləri açıq şəkildə həddələyib də. Bu isə buradakı azərbacanlıları daha dərindən parçalayır. Mümkündür ki, bu «razborka»lar da ağır və rüsvayçı hadisələrə də yol açacaq. Ona görə Abbas Abbasovun əleyhdarları vəziyyətin daha da dramatikləşməməsi üçün Rusiya dövlətindən yardım istəyiblər.
Bu fakt da onu göstərir ki, artıq Abbas Abbasovla bağlı olan məsələ daha kəskin xarakter alıb. Soydaşlarımız Abbas Abbasovun anti-milli faəliyyətindən, hətta onun kriminal qruplarla əlbir fəaliyyətindən çox narahatdırlar. Və bu narahatlıq onları birləşməyə məcbur edib. Elə diaspor təşkilatlarımızın ard-arda xüsusi bəyanat verərək, Abbas Abbasovu kriminal qruplardan istifadə edərək, soydaşlarımıza təzyiq göstərməsi haqda deyilənlərdə vəziyyətin gərginliyindən xəbər verir”.
Mənbə deyir ki, Abbas Abbasov nəzarətində olan şəxslər və saytlar vasitəsi ilə Azərbaycan dövlətinin Rusiyadakı diplomatlarını da təhqir etdirməkdən çəkinmir: «Abbas Abbasov Polad Bülbüloğllunu və növbədənknar qurultayda iştirak edib, tərəfləri birliyi çağırıan Qüdsi Osmanovun haqqında təhqiredici yazılar yazdırır. Bu isə Abbas Abbasovun bardağı daşırması anlamına gəlir və Rusiyada soydaşlarımız arasında heç də xoş qarşılanmır. Ancaq görünür, geriyə çıxış yolu olmadığını görən Abbas Abbasov körpüləri yandırmaqda qərarlıdır”.