İran Britaniya rəsmilərinin Tehran hökumətinə qarşı “təhlükəsizlik ittihamları” ilə bağlı Britaniya səfiri Hugo Shorteri Xarici İşlər Nazirliyinə çağırdı.
Elchi.az xəbər verir ki, Mehr Xəbər Agentliyinin məlumatına görə, Xarici İşlər Nazirliyinin Qərbi Avropa üzrə baş direktoru Əlirza Yusifi səfirə Böyük Britaniyanın mövqeyi ilə bağlı etiraz notası təqdim edib.
Bəyanatda Britaniya rəsmilərinin İranın Böyük Britaniyada təhlükəsizliyi hədəf alan hərəkətlər planlaşdırdığı iddialarının “əsassız və yalan” olduğu iddia edilib.
Bu ittihamların Böyük Britaniyanın beynəlxalq hüququ pozan siyasətinə və ABŞ və İsrailə dəstəyinə qarşı tənqidləri aradan qaldırmaq məqsədi daşıdığı iddia edilib.
İran tərəfi həmçinin Böyük Britaniyanı “İran əleyhinə terror şəbəkələrinə və zorakı qruplara ev sahibliyi etməkdə və onları dəstəkləməkdə” günahlandırıb və London hökumətini bu fəaliyyətləri dayandırmağa çağırıb. Bəyanatda Böyük Britaniyanın İsrail tərəfindən maliyyələşdirildiyi və idarə olunduğu iddia edilən bu şəbəkələrə ev sahibliyi etməsinin terrorizmi dəstəkləməmək üzrə beynəlxalq hüquq öhdəliyi ilə uyğunsuz olduğu və bu vəziyyətin dərhal sona çatmalı olduğu iddia edilib.
Şayəstə
