Amerikalı sahibkar, “SpaceX” və “Tesla” şirkətlərinin baş direktoru İlon Mask “SpaceX”-in Ukraynaya yardım göstərməklə səhv etdiyini iddia edən bir məqalə paylaşıb.
Elchi.az xəbər verir ki, yazı sosial şəbəkədə yenidən yayımlanıb.
“Geriyə baxsaq, “SpaceX” onlara minlərlə pulsuz “Starlink” peyk antenası göndərməklə və müharibənin əvvəlində pulsuz xidmət üçün ayda milyonlarla dollar ödəməklə səhv etdi”,-deyə Mask Ukrayna prezidenti Volodimir Zelenskinin tənqidindən sonra paylaşdığı məqalədə bildirib.
Məqalədə həmçinin qeyd olunub ki, Ukraynaya “Starlink” peyk rabitə terminalları ilə yardım mülki şəxslər üçün internetə çıxış kimi başlayıb, lakin son nəticədə pilotsuz uçuş aparatlarının idarə edilməsi üçün istifadə edilib. Məqalə müəllifləri əlavə ediblər ki, “Starlink”-in hərbi istifadəsinə qarşı çıxanlar mətbuatda şərlənir.
Bundan əvvəl Zelenski Maskı Avropa və Ukrayna siyasətinə qarışdığına görə tənqid edib. O, iddia edib ki, başqa ölkənin vətəndaşı olaraq Maskın həmin bölgələrdə siyasətə təsir etmək hüququ yoxdur.
Yeganə
