NATO-nun baş katibi Mark Rutte Rusiya prezidenti Vladimir Putinlə amerikalı həmkarı Donald Tramp arasında yaxşı münasibətlərin saxlanmasının potensial anlaşılmazlıqların aradan qaldırılması və təhdidlərin aradan qaldırılması üçün vacib olduğunu bildirib.
Elchi.az xəbər verir ki, bu barədə “Reuters” məlumat yayıb.
“Bu ölkələrin hər iki liderinin – istər Tramp, istər Putin, istərsə də məsələn, [Leonid] Brejnev və [Richard] Nikson 1970-ci illərdə – yaxşı münasibətləri saxlamağa çalışması vacibdir ki, nüvə təhlükəsinə səbəb ola biləcək anlaşılmazlıq yaranarsa, onlar vəziyyəti telefonla tez müzakirə edə bilsinlər”,-deyə Rutte qeyd edib.
Noyabrın 2-də ABŞ-ın keçmiş prezidenti Bill Klinton bəyan edib ki, ABŞ prezidenti Vladimir Putinə həqiqətən heyrandır.
Oktyabrın 1-də Putin Amerika lideri ilə yaxşı, çoxdankı münasibət qurduğunu söylədi. O, həmçinin Ağ Ev rəhbərinə Ukraynadakı münaqişənin həlli istiqamətində göstərdiyi səylərə görə minnətdarlığını bildirib.
Yeganə
