Dünyanın ən populyar mesajlaşma platforması WhatsApp, istifadəçilərə telefon nömrələrini paylaşmadan yalnız unikal istifadəçi adlarından istifadə edərək söhbət etməyə imkan verəcək yeni bir məxfilik xüsusiyyətini elan etdi.
Elchi.az xəbər verir ki, önümüzdəki aylarda tədricən dünyada 3 milyard hesab sahibinə təqdim ediləcək bu xüsusiyyət, istifadəçilərə məcburi olmasa da, tətbiq vasitəsilə istifadəçi adı seçməyə imkan verir. Platformanın verdiyi açıqlamada, istifadəçi adlarının istənilən vaxt silinə və ya dəyişdirilə biləcəyi bildirilib.
Sistem tam aktivləşdirildikdə, yeni bir söhbətə başlamaq üçün telefon nömrəsi əvəzinə istifadəçi adı təqdim etmək kifayət edəcək.
Təhlükəsizlik məqsədləri üçün istənməyən mesajları bloklamaq və bildirmək seçimləri saxlanılacaq.
Maksimum 35 simvolla məhdudlaşdırılan istifadəçi adlarında, təqlid etmənin qarşısını almaq üçün yüksək vəzifəli məmurlar və məşhurlar üçün bəzi məhdudiyyətlər olacaq.
WhatsApp Məhsul Meneceri Alis Nyuton-Reks, xüsusilə qrup söhbətlərində telefon nömrələrini tanımadıqları insanlarla paylaşmaq istəməyən istifadəçilərdən sorğular aldıqlarını və bu yeni xüsusiyyətlə istifadəçilərə özlərini necə təqdim etdikləri üzərində tam nəzarət verməyi hədəflədiklərini bildirdi.
Oxşar məxfilik funksiyası 2024-cü ildə təhlükəsiz mesajlaşma tətbiqi Signal tərəfindən tətbiq edilmişdir. Oksford Universitetindən professor Carisa Veliz bu funksiyanı müsbət addım kimi qəbul etsə də, Meta-nın məlumat toplama siyasətini tənqid edərək, tətbiqin reklam məqsədləri üçün metaməlumatlar toplamağa davam etdiyini xatırlatdı. WhatsApp başdan-başa şifrələmə səbəbindən söhbət məzmunundan reklam üçün istifadə edə bilməsə də, reklam proseslərində kimə və nə vaxt mesaj göndərildiyi kimi məlumatlardan istifadə etməyə davam edir.
Şayəstə
