Silahlı münaqişələr zamanı cinsi zorakılıqlarla bağlı İsrail və Rusiya təhlükəsizlik qüvvələri BMT-nin növbəti hesabatında qara siyahıya salınıblar.
Elchi.az xəbər verir ki, sənəddə BMT 2023-2025-ci illər arasında Qəzza zolağından və Qərb sahilindən olan fələstinli kişilərə, qadınlara və uşaqlara qarşı 31 cinsi zorakılıq hadisəsini təsdiqləyib.
Hesabatda qeyd olunur ki, müəyyən edilmiş pozuntulara qrup halında təcavüz və işgəncə forması kimi cinsi zorakılıqdan istifadə daxil olub.
Xüsusilə, BMT-nin məlumatına görə, İsrail Qəzza zolağına girişi məhdudlaşdırıb, həmçinin zorakılıqlar barədə məlumat verən fələstinli məhbuslar üçün risklər yaradıb.
Rusiya da öz növbəsində ukraynalılara, o cümlədən hərbi əsirlərə və mülki şəxslərə qarşı “sistemli” cinsi zorakılıqla bağlı araşdırmalara mane olmaqda ittiham olunur. BMT Rusiya qüvvələri tərəfindən törədilən 310 zorakılıq hadisəsini qeydə alıb. Qurbanların əksəriyyəti kişilər olsa da, qadınlar və uşaqlar da var.
