Ümumdünya Səhiyyə Təşkilatının (ÜST) rəhbəri Tedros Adanom Qebreyesus “X” sosial şəbəkəsində bildirib ki, “MV Hondius” kruiz gəmisindəki daha bir sərnişində karantin zamanı hantavirus simptomları aşkar edilib.
Elchi.az xarici KİV-ə istinadən xəbər verir ki, onun sözlərinə görə, ümumilikdə 11 yoluxma halı qeydə alınıb – onlardan doqquzu təsdiqlənmiş, ikisi isə ehtimal ediləndir. Bu hallardan üçü ölümlə nəticələnib. Sentyabrda Qebreyesus yoluxanların sayının 11-dən 10-a endirilərək dəqiqləşdirildiyini bildirmişdi.
ÜST rəhbəri izah edib ki, sonuncu təsdiqlənmiş yoluxma halı da gəminin sərnişinlərindən birində aşkar olunub. Onun sözlərinə görə, həmin şəxs vətəninə qaytarılanlar arasında olub, simptomlar onda karantin zamanı baş qaldırıb və hazırda ona tibbi yardım göstərilir.
Mayın 4-də Ümumdünya Səhiyyə Təşkilatı (ÜST) “MV Hondius” laynerinin göyərtəsində hantavirus epidemiyasının baş verdiyini bəyan etmişdi.
Məryəm
