Son 24 saat ərzində Hörmüz boğazını ən azı yeddi gəmi — əsasən quru yük gəmiləri — keçib ki, bu da son günlərin aşağı aktivliyinə uyğundur.
Elchi.az xəbər verir ki, bu barədə “Reuters” agentliyi bazar ertəsi dərc olunmuş gəmiçilik məlumatlarına istinadən xəbər verir.
Kpler gəmi izləmə məlumatları və SynMax data analitika mütəxəssislərinin ayrıca peyk təhlilinə əsasən, bu gəmilər arasında İraq limanlarından çıxanlar, eləcə də İran limanından çıxan bir quru yük gəmisi olub.
Fars körfəzinin girişindəki bu mühüm su yolu vasitəsilə gəmi hərəkəti, Vaşinqton və Tehran arasındakı kövrək atəşkəs dövründə, fevralın 28-də İranla müharibə başlamazdan əvvəl qeydə alınan günlük orta hesabla 140 keçid göstəricisinin yalnız kiçik bir hissəsini təşkil edir.
TankerTrackers.com-un peyk təhlilinə görə, son günlərdə altı İran tankeri göyərtəsində təxminən 10,5 milyon barel neftlə Hörmüz boğazından geriyə keçərək İran limanlarına qayıdıb.
Analitiklərin digər bir peyk təhlilinə əsasən, aprelin 24-də Amerika blokadası zonasından göyərtəsində təxminən 4 milyon barel İran nefti olan tankerlər keçib.
Məryəm
