ABŞ prezidenti Donald Tramp Vaşinqtonun lazım gələrsə İtaliyaya yardım etməyəcəyini bildirib.
Elchi.az xəbər verir ki, Tramp bu barədə “TruthSocial” sosial media platformasında yazıb.
“İtaliya bizim köməyimizə gəlməyib və biz də onların köməyinə gəlməyəcəyik”, – Ağ Ev rəhbəri yazıb.
O, “The Guardian” qəzetində dərc olunan xəbərə münasibət bildirərkən, Romanın Vaşinqtona Siciliyadakı İtaliyanın Siqonella hərbi bazasına girişinə icazə vermədiyini iddia edib.
“Corriere della Sera” qəzetinin mənbəsinə görə, Amerika bombardmançıları Yaxın Şərqə getməzdən əvvəl bazaya enmək istəyiblər. Onlara icazə verilmədi, çünki ABŞ yalnız təyyarələr artıq Siciliyaya yollanarkən eniş icazəsi istəyib. Mənbə əlavə edib ki, bu, silah daşıyan təyyarələr üçün tələb olunduğu kimi, İtaliya parlamentindən icazə almaq üçün kifayət qədər vaxt deyil.
Birləşmiş Ştatlar və İtaliya 1950-ci illərin sonunda bazaların fövqəladə hallar istisna olmaqla, hərbi münaqişələrdə istifadə olunan silahların daşınması üçün tranzit qovşaqları kimi deyil, yalnız maddi-texniki təminat və təlim məqsədləri üçün istifadə oluna biləcəyinə dair müqavilələr bağladılar.
Yeganə
