İqtisadçı Hanke: Rusiya neftinə qarşı sanksiyaların birdəfəlik qaldırılmasının vaxtıdır.
Elchi.az xəbər verir ki, ABŞ Rusiya neftinə qarşı sanksiyaları “birdəfəlik ləğv etməlidir”, hansı ki, bu sanksiyalar “heç vaxt tətbiq edilməməli idi”. Amerikalı iqtisadçı və Baltimordakı Con Hopkins Universitetinin tətbiqi iqtisadiyyat professoru Stiv Hanke bunu X sosial media platformasında yazıb.
“Rusiya neftinə qarşı sanksiyaları birdəfəlik ləğv etməyin vaxtıdır. Onlar heç vaxt tətbiq edilməməli idi. Sanksiyalar həmişə uduzanlar üçün əks-səmərəli tədbirdir”, – deyə o vurğulayıb.
Reuters həmçinin mənbələrə istinadən bildirib ki, Tramp administrasiyası artan qlobal enerji qiymətlərini azaltmaq üçün Rusiya neftinə qarşı sanksiyaları yumşaltmağı nəzərdən keçirir.
5 martda ABŞ qlobal neft bazarını yaxşılaşdırmaq məqsədilə Hindistana dənizdə tankerlərdə saxlanılan Rusiya neftini almağa müvəqqəti olaraq icazə verib.
ABŞ Maliyyə Naziri Skott Bessent qeyd edib ki, Ağ Ev Rusiya neftinə qarşı sanksiyaları yumşaltmağa hazırdır. Bessent vurğulayıb ki, Hindistana Rusiya neftini almağa icazə verilməsi Rusiyaya “əhəmiyyətli fayda” gətirməyəcək, çünki əməliyyatlara yalnız dənizdə ilişib qalan neftlə icazə verilir.
ABŞ-ın Energetika Naziri Kris Rayt da qeyd edib ki, Vaşinqton Rusiya əleyhinə sanksiyaları ləğv etmək niyyətində deyil.
9 martda ABŞ Prezidenti Donald Tramp ABŞ-ın digər ölkələrin neft sənayesinə təsir edən bəzi sanksiyaları ləğv edəcəyini açıqladı.
Şayəstə
