İran İnqilab Keşikçiləri Korpusu ABŞ-İsrail hücumlarının başlanğıcından bəri Hörmüz boğazında “keçid qadağandır” elan etdikdən sonra “xəbərdarlıqlara məhəl qoymadan boğazdan keçməyə cəhd edən” 10 neft tankerinə zərbə endirdiyini açıqladı.
Elchi.az xəbər verir ki, yarı-rəsmi Fars Xəbər Agentliyinin İnqilab Keşikçiləri Korpusunun bəyanatına əsaslanan hesabatına görə, Hörmüz boğazının təhlükəli olduğu barədə dəfələrlə xəbərdarlıqlara baxmayaraq, müxtəlif sursatlarla vurulduqdan sonra 10-dan çox neft tankeri istifadəyə yararsız hala düşüb.
Hesabatda Hörmüz boğazının müharibə şəraitində olduğu və raketlərdən və ya pilotsuz uçuş aparatlarından gəmilərə zərər vurma ehtimalının olduğu və buna görə də gəmilərin bu ərazidən keçməməli olduğu bildirilib.
İran donanması ABŞ-İsrail hücumları səbəbindən Hörmüz boğazından keçidin bağlandığını açıqlayıb.
Tramp: Hörmüz boğazını qoruyacağıq
ABŞ prezidenti Donald Tramp ABŞ Beynəlxalq İnkişaf Maliyyə Korporasiyasına (DFC) Körfəzdən keçən bütün dəniz ticarətinin, xüsusən də enerjinin maliyyə təhlükəsizliyi üçün çox münasib qiymətə siyasi risk sığortası və zəmanətləri təmin etməyi tapşırdığını və bunun bütün gəmiçilik şirkətlərinə şamil ediləcəyini qeyd etdiyini bildirdi.
Tramp dedi: “Lazım gələrsə, ABŞ Hərbi Dəniz Qüvvələri Hörmüz boğazından keçən tankerləri mümkün qədər tez müşayiət etməyə başlayacaq”.
ABŞ-ın nə olursa olsun “dünyaya sərbəst enerji axınını” təmin edəcəyini vurğulayan Tramp, ABŞ-ın iqtisadi və hərbi gücünün dünyada ən böyük güc olduğunu və daha çox addım atılacağını bildirdi.
Şayəstə
