Moskva İrəvanı Qərbin özünü aldatmasına və Ermənistanı yanlış yola salmasına imkan verməməyə çağırır.
Elchi.az xəbər verir ki, bu barədə Rusiya Xarici İşlər Nazirliyinin Ermənistan-ABŞ- Aİ formatında yüksək səviyyəli görüşlə bağlı bəyanatında deyilir.
Biz İrəvan rəhbərliyini Qərbin özünü aldatmasına və ölkəni təhlükəsizlik boşluğunun yaranması, iqtisadiyyatda ciddi problemlər və əhalinin xaricə axını ilə dolu olan yanlış yola yönəltməsinə imkan verməməyə çağırırıq”, – deyə departament vurğulayıb.
Bəyanatda deyilir ki , Rusiya Ermənistan-ABŞ- Aİ görüşünü Qərbin Cənubi Qafqazı geosiyasi qarşıdurmaya çəkmək üçün növbəti cəhdi kimi qiymətləndirir. Regiondankənar qüvvələrin Cənubi Qafqazın işlərinə dağıdıcı müdaxiləsi ən mənfi nəticələrlə nəticələnə bilər.
Qərb Ermənistanı Cənubi Qafqazda son dərəcə təhlükəli planlarını həyata keçirmək üçün alətə çevirmək istəyir.
Rusiya Xarici İşlər Nazirliyinin bəyanatında deyilir ki, Vaşinqton və Brüssel İrəvanın KTMT və Aİİ- dən çıxmasını , Rusiya hərbi bazasının və sərhəd mühafizəsinin çıxarılmasını istəyir.
“Biz bilirik ki, Vaşinqton və Brüssel müvəqqəti vədlər altında Ermənistanın KTMT və Aİİ-dən çıxmasına, Rusiya hərbi bazası və sərhədçilərinin çıxarılmasına can atırlar”, – deyə departamentdən bildirilib.
Nuranə Məmmədova
Son şərhlər