ABŞ dövlət katibi Antoni Blinken xarici işlər naziri Hakan Fidanla görüşmək üçün Ankaraya gəlib. Nazir Fidan və həmkarı Blinken arasında bugünkü görüşdə Qəzzadakı vəziyyət, regional məsələlər və ikitərəfli münasibətlərin müzakirə ediləcəyi gözlənilir.
Elchi.az xəbər verir ki, bu barədə Türk mediası məlumat yayıb.
Blinkeni Esenboğa hava limanında ABŞ-ın Ankaradakı səfiri Ceffri Fleyk, Xarici İşlər Nazirliyinin Amerika üzrə ikitərəfli siyasi məsələlər üzrə baş direktoru səfir Yaprak Balkan, Ankara valisinin müavini Namık Kamal Nazlı və bir çox rəsmi şəxslər qarşılayıblar.
ABŞ dövlət katibi Antoni Blinken Türkiyə səfəri öncəsi İraqa sürpriz səfər edib. Blinken paytaxt Bağdadda İraq Baş naziri Məhəmməd Şia əl-Sudani ilə Qəzzadakı inkişafları müzakirə edib.
İraq Baş nazirliyinin mətbuat xidmətindən verilən yazılı açıqlamaya görə, Baş nazir Məhəmməd Şia əl-Sudani Blinkeni Hökumət Sarayında qəbul edib.
Görüşdə Qəzzada baş verən hadisələr müzakirə edilib və oradakı qarşıdurmaların yayılmaması lazım olduğu dəyərləndirilib.
Humanitar vəziyyətin pis olduğu Fələstinə ərzaq, su və tibbi yardım göndərilməsi məsələsinin də müzakirə edildiyi görüşdə Sudaninin ölkəsinin sionistlərin Qəzzaya hücumlarını qəbul etməməsi və ölkəsinin mövqeyini bir daha təkrarladığı bildirilib.
Daha sonra ABŞ-ın Bağdad səfirliyində mətbuat konfransı keçirən və jurnalistlərin suallarını cavablandıran ABŞ dövlət katibi, “İraqın baş naziri ilə yaxşı və şəffaf görüş keçirdim. İraqla təhlükəsizlik vəziyyətini də müzakirə etdik”-deyib.
Qəzzada humanitar atəşkəs üçün səylərin davam etdiyini bildirən Blinken bunun Həmas tərəfindən saxlanılan girovların azad edilməsi üçün yaxşı fürsət olacağını qeyd edib.
Nuranə Məmmədova
Son şərhlər