İtaliya XİN: Roma Britaniya qırıcılarının Ukraynaya tədarükünə qarşı deyil

Departament vurğulayıb ki, təyyarə Rusiyaya hücum üçün deyil, yalnız müdafiə üçün istifadə edilməlidir.
Elchi.az xəbər verir ki, İtaliya Ukraynaya Britaniya qırıcılarının tədarükünə etiraz etməyəcək, əgər onlardan yalnız müdafiə məqsədləri üçün istifadə olunarsa, bu barədə Xarici İşlər Nazirliyinin müavini Edmondo Çirielli bildirib.
“Əgər təyyarələr müdafiə məqsədilə istifadə olunursa, bizim etirazımız yoxdur. Başqa bir şey, əgər onlar Rusiya ərazisinə hücum etmək üçün istifadə olunursa, “deyə İtaliya Xarici İşlər Nazirliyinin rəhbərinin müavini Il Messaggero qəzetinə müsahibəsində bildirib.
Xatırladaq ki, Böyük Britaniya yaxın vaxtlarda Ukraynaya döyüş təyyarələri ötürməyi planlaşdırmır. Bu barədə Böyük Britaniyanın müdafiə naziri Ben Uolles bildirib. Onun sözlərinə görə, təyyarələrin çatdırılması bir neçə ay çəkə bilər.
Ukrayna prezidenti Vladimir Zelenski bu həftə Britaniya parlamentində çıxış edərək ondan döyüş təyyarəsi istəyib. Çıxış zamanı siyasətçi parlamentarilərə uçuş dəbilqəsi hədiyyə edib və bunun Kiyevə qırıcı təyyarələrin köçürülməsi üçün yeni koalisiyanın simvoluna çevriləcəyinə ümid etdiyini bildirib.

Şayəstə