“Çay içərkən ilk öncə qara çayın tərkibini təmizləmək lazımdır”- bu sözləri elchi.az saytına açıqlamasında qida mütəxəssisi, dietoloq Həcər Kərimova deyib.
Dietoloq həmçinin çayı necə dəmləmək lazım olduğunu da qeyd edib: “Qara çayın üzərinə qaynar su töküb bir dəqiqə keçəndən sonra onu süzərək yenidən üstünə qaynar su əlavə edirik və dəsmala bükürük. Onu da salafanla örtərək, yenidən dəsmalla bağlayırıq. Yarım saat ərzində çay orda dəmlənir”.
Həcər Kərimova həmçinin bildirir :”Qara çay xeyirli bitkidir, sadəcə onu doğru istifadə etmək lazımdır. Biz dəmləyəndə görürük ki, çay tez dəmlənir, amma əslində onun tərkibində olan xüsusi qatqıları kənarlaşdırmaq lazımdır ki, çay öz normasında dəmlənsin. Dediyimiz qaydada dəmlənərsə çaydan orqanizmə heç bir ziyanı olmur. Əgər qara çayın tərkibində əlavə təravət, dadverici nələrisə istəyiriksə bu zaman ona həzm sisteminə, gözə, yaddaşa xeyirli olan məxək əlavə etmək olar. Bundan əlavə portağalın qurumuş qabağında nda istifsdə edə bilərik. Bundan əlavə qızılgülün ləçəklərindən də istifadə etmək olar . Xüsusilə qeyd etmək lazımdır ki bunun təzyiqi aşağı olanlara xeyiri daha çoxdur”.
Havar Şəfiyeva
Son şərhlər