Xalqımız əvvəlcə danışan, sonra fikirləşənə yatırım edib, onu Ermənistanın birinci şəxsinə çevirdi. Və o, ölkənin sıravi vətəndaşı olaraq qalsaydı, bir problem olmayacaqdı. “Nikoldu da, düşünmədən nəsə dedi” deyib keçəcəkdik. Amma o indi Baş nazirdir. Bütün ölkəmiz də müvafiq olaraq onun bəyanatlarının “bəhrəsini” alır. Ötən günlərdə mediaya açıqlama verən Nikol Paşinyan böyük biabırçılığa yol verdi. Bəli, biabırçılıq. Azərbaycan mətbuatı belə yazılarla doludur. Təəssüf ki, Paşinyan ölkəmizlə bağlı iradlar söyləməyə başlayanda “Ermənistan öz təhlükəsizliyini təkbaşına təmin edə bilməz, Rusiya İrəvanın təhlükəsizliyinin qarantıdır” dedi. Kim Nikola Ermənistanı belə aşağılamaq haqqı verib?
Elchi.az xəbər verir ki, bu barədə “ArmenianReport”da dərc edilən məqalədə bildirilib.
“Ermənistan dənizdən-dənizə uzananda Rusiya hələ dövlət kimi mövcud deyildi. O, bu bəyanatdan nə qazandı? Heç nə. Əksinə, Paşinyan Rusiyanı daha çox İrəvana qarşı yönəltdi. Eyni zamanda, Paşinyan aşkar olanı başa düşə bilmir, ya da başa düşmək istəmir – Kreml artıq öz təhlükəsizliyinə zəmanət verə bilmir. Bunu yalnız Ukrayna və Amerika siyasətçiləri demir, həm də ruslar etiraf edirlər. Bəli, Putin artıq öz xalqı tərəfindən tənqid olunur. Rusiya həqiqətən də itirir. Və bu şərtlərdə heç olmasa, susmaq daha yaxşıdır. Amma Paşinyan danışır. Faciəsi isə ondadır ki, onun dili Ermənistanın düşmənidir”, – o bildirib.
Son şərhlər